ગુજરાતમાં આવનારા 24 કલાક કેટલાક વિસ્તકારોમાં આભ ફાટવાની હવામાન વિભાગની આગાહી છે. જ્યારે દ. ગુજરાત અને સૌરાષ્ટ્રના કેટલાક ગામોમાં તો પહેલેથી જ વરસાદી પાણી ઘુસી ગયા છે. અને એવામાં હજુ 5 દિવસ ભારે વરસાદની આગાહીને પગલે પુરની સ્થિતિનું નિર્માણ થવાની સંભાવનાને પગલે બચાવ કામગીરીને સ્ટેન્ડ ટુ રાખવામાં આવી છે.

  • આગામી 5 દિવસમાં ભારેથી અતિભારે વરસાદની આગાહી
  • રાજ્યમા 21 થી 27 ઓગસ્ટ સુધી વરસાદની આગાહી
  • તમામ વિભાગોને એલર્ટ રહેવા સરકારના આદેશ

ગુજરાતમાં આવનારા 24 કલાક અમુક વિસ્તારમાં આભ ફાટવાની આગાહી કરવામાં આવી છે ત્યારે કેટલાક વિસ્તારમાં NDRFની ટીમ સહિત નીચાણવાળા વિસ્તારોમાં પુરની સ્થિતિનું નિર્માણ થવાની આગાહી આપી દેવામાં આવી છે અને ગામોમાં હાઈઅલર્ટ પણ આપી દેવામાં આવ્યું છે ત્યારે માછીમારોને પણ દરિયો ન ખેડવા સૂચના આપી દેવામાં આવી છે.

આ વિસ્તારમાં આભ ફાટવાની આગાહી

દ.ગુજરાતમાં ભારેથી અતિભારે વરસાદની હવામાન વિભાગ દ્વારા આગાહી કરવામાં આવી છે. તેમાં પણ તાપી અને સુરતમાં ધોધમાર વરસાદની આગાહી છે. 

આ જિલ્લામાં થશે અતિભારે વરસાદ

તાપી, વલસાડ, ડાંગ, નવસારી, મહેસાણા, ગાંધીનગર અને આણંદમાં અતિભારે વરસાદની આગાહી છે. સૌરાષ્ટ્રમાં ગીરસોમનાથ અને દ્વારકામાં હજુ પાણી પડશે. 


ક્યાં છે ભારે વરસાદની આગાહી

ભરૂચ, સુરત, વલસાડ, આણંદ, નવસારી, ગાંધીનગર, સાબરકાંઠા, અરવલ્લી, ડાંગ અને જામનગર, મોરબી, જૂનાગઢ ભાવનગરમાં પણ ભારે વરસાદની આગાહી છે. 

આવનારા 24 કલાક દ. ગુજરાત અને સૌરાષ્ટ્ર માથે ભારે

આવનારા 24 કલાક દ. ગુજરાત અને સૌરાષ્ટ્રના જિલ્લાઓ માથે ભારે છે. ત્યાં ધોધમાર વરસાદની આગાહી છે. 


બીજે ક્યાં ક્યાં છે આગાહી

  • સાબરકાંઠા, અરવલ્લી, આણંદમાં વરસાદની આગાહી
  • પંચમહાલ, દાહોદ, મહિસાગરમાં વરસાદની આગાહી
  • વડોદરા, છોટા ઉદેપુર, નર્મદામાં વરસાદની આગાહી
  • ભરૂચ, સુરત, ડાંગ, નવસારીમાં વરસાદની આગાહી
  • તાપી, સુરેન્દ્રનગર, દ્વારકામાં વરસાદની આગાહી
  • વલસાડ, જામનગર, બનાસકાંઠામાં આગાહી
  • પાટણ, મહેસાણા, પોરબંદર, મોરબી માટે આગાહી